40. fundur
umhverfis- og samgöngunefndar á 149. löggjafarþingi
haldinn í Austurstræti 8-10, þriðjudaginn 19. febrúar 2019 kl. 09:00

Mættir:

Jón Gunnarsson (JónG) formaður, kl. 09:00
Ari Trausti Guðmundsson (ATG) 1. varaformaður, kl. 09:00
Líneik Anna Sævarsdóttir (LínS) 2. varaformaður, kl. 09:00
Bergþór Ólason (BergÓ), kl. 09:00
Björn Leví Gunnarsson (BLG), kl. 09:00
Hanna Katrín Friðriksson (HKF), kl. 09:02
Helga Vala Helgadóttir (HVH), kl. 09:00
Karl Gauti Hjaltason (KGH), kl. 09:05
Rósa Björk Brynjólfsdóttir (RBB), kl. 09:04
Vilhjálmur Árnason (VilÁ), kl. 09:03

Nefndarritari: Inga Skarphéðinsdóttir

Bókað:

Fundargerðir 37., 38. og 39. fundar samþykktar.

Bergþór Ólason gerði eftirfarandi athugasemd við bókun Hönnu Katrínar Friðriksson um formannsefni í fundargerð 39. fundar:

Á fundi nefndarinnar 7. febrúar sl. gerðu tveir atkvæðisbærir þingmenn minni hlutans í nefndinni tillögu um að Hanna Katrín Friðriksson tæki við formennsku í nefndinni og tveir atkvæðisbærir þingmenn minni hlutans gerðu tillögu um að Jón Gunnarsson tæki við formennsku í nefndinni. Það er því ónákvæmt að halda því fram að Hanna Katrín hafi verið studd af stjórnarandstöðunni til formennsku í nefndinni.

Nefndin ræddi starfið framundan og þörf á aukafundum.

Samþykkt var sú breyting á starfsáætlun nefndarinnar að fundað verði á þriðjudögum kl. 9-12.
Þá var samþykkt að funda föstudaginn 1. mars kl. 08:30-10.

Nefndin heimilaði Birni Leví Gunnarssyni, áheyrnarfulltrúa, að leggja fram eftirfarandi bókun:
Lenging fundatíma og fjölgun funda hefur gríðarlega mismikil áhrif á nefndarmenn og önnur þingstörf þeirra. Þörfin fyrir lengingu nefndarfunda og fjölgun funda fellur að mínu mati algerlega á skipulagsleysi nefndarstarfa af hálfu fyrri stjórnar nefndarinnar og skipulagsleysi þess hvernig stjórnarmeirihlutinn afgreiddi samgönguáætlun.

Á fund nefndarinnar mættu Jón Gunnar Ottósson frá Náttúrufræðistofnun Íslands og Birkir Snær Fannarsson frá Landgræðslunni. Gerðu gestir grein fyrir sjónarmiðum við málið og svöruðu spurningum nefndarmanna.

Þá mætti á fund nefndarinnar Guðjón Bragason frá Sambandi íslenskra sveitarfélaga. Gerði hann grein fyrir sjónarmiðum við málið og svaraði spurningum nefndarmanna.

Að lokum mætti á fund nefndarinnar Pétur Halldórsson frá Landvernd. Gerði hann grein fyrir sjónarmiðum við málið og svaraði spurningum nefndarmanna.

Á fund nefndarinnar mættu Ásgrímur L. Ásgrímsson frá Landhelgisgæslu Íslands og Jón Svanberg Hjartarson frá Slysavarnarfélaginu Landsbjörg. Gerðu gestir grein fyrir sjónarmiðum við málið og svöruðu spurningum nefndarmanna.

Samþykkt var að senda málið til umsagnar með fresti til 4. mars.

Bergþór Ólason óskaði eftir að nefndin fengi kynningu á skýrslu og tillögum starfshóps um heildstæða stefnu í almenningssamgöngum.
Rósa Björk Brynjólfsdóttir tók undir þá beiðni.

Fleira var ekki gert.

Fundi slitið kl. 11:26